Texte unserer Leser/innen

Neckartaler

Vor 75 Johr ist a Bayer, des war dr Bonifaz, en onsern Flecka komma ond hot dann a paar jonge Kiabenger für’s Schuaplattla g’wonna. Se hend ihr bissle Geld zamma g‘rafft ond sich a Miesbacher Dirndl ond a Lederhose a‘geschafft. Mit viel Freud ond Idealismus waret se dabei, hend plattlet, mitanander tanzet ond Kameradschaft pflegt, nebenbei. Doch A‘fang de 50er Johr hend se sich b‘sonna, dass se eigentlich „d Kiabenger Tracht“ erhalte ond pflega wollet.

Noch dem Wahlspruch:

„Sitt‘ ond Tracht der Alten

wollen wir erhalten“,

hend dia Fraua vom Verei‘

Kleesamaröck ond Mieder

g‘ näht

ond d‘ Männer hend alles

was dazu g‘ hört, organisiert.

Ond no hent se Volkstänz

ei‘ studiert.

So isch onser Verei‘ emmer

größer ond bekannter

g‘ worda,

a Kinder-, Jugend- ond

Schnittergruppe

isch no dazua komma,

ond beim Preistanza hent

mir viele erstePreise mit

hoim g‘ nomma.

Wia viel Festzüg ond Auftritt

hend mir scho g‘ meistert.

Selber kleine ond graoße

Feschte g‘ macht

ond emmer guate Arbeit

g‘ leistet.

Beim Trachtaverei-Theater

mache mir em Publikum

schöne Stonda,

mit ma ei‘gspielta Team

goht des au guat über dia

Ronda.

No vieles könnt i so uffzähla

aus deane 75 Johr,

aber do dafür send jo die

handg‘schriebene Chronika

do.

Doch i woiß,

en d‘ r heutiga Zeit hot‘s a

Trachtaverei schwer,

Computer, Fernseher ond

sonst no mehr;

do wellet de jonge Leut

keine Volktänz mehr macha

ond s‘ Brauchtom pflega,

die gent halt lieber zum

Sport, en da Urlaub

ond machet andere

Aktivitäta.

Drom will i Euch heut

ermahna:

Denket au a bissle an onsere

Ahna!

Ond b‘haltet en Ehra onser

scheene Tracht,

damit se auch en Zukonft no

ganz viel Freud macht.

Dent onsern Verei‘

weiterhin gut verwalte,

no bleibt onser Tradition

ond Brauchtum erhalte.

Der Kiebinger Trachtenverein „Neckartaler“ feierte 2011 sein 75-jähriges Jubiläum. Adelheid Koch hat dieses Gedicht kürzlich bei der Generalversammlung vorgetragen.